Notiq bo‘lmoqchimisiz, ko‘p o‘qing
O‘qish nutqni iboralarga boy va chiroyli qilishga yordam beradi, so‘z boyligini rivojlantirishga yordam beradi va nutqni jozibali iboralar bilan boyitadi. Klassik adabiyotini ko‘proq o‘qing.
O‘qish tasavvurni o‘rgatadi, nutqni boyitadi, empatiya qobiliyatini yaxshilaydi va bir-birini yaxshiroq tushunish va his qilishga yordam beradi.
Olimlarning fikriga ko‘ra, muntazam o‘qish neyron aloqalar zichligini oshiradi, shuningdek, miya yarim sharlari o‘rtasida keng samarali aloqalarni yaratadi. Bularning barchasi bizga yangi maʼlumotlarni yaxshiroq o‘zlashtirish, og‘zaki xotirani mustahkamlash, qiyin vaziyatlarda tezda yechim topish va aqliy qobiliyatimizni rivojlantirish imkonini beradi.
Notiq uchun kitob o‘qish eng muhim shartlardan biridir, zero u so‘z boyligini oshiradi.
Kitob o‘qish so‘z boyligini oshiradi. Turli janrdagi asarlarni o‘qiganingizda, kundalik nutqda umuman ishlatilmaydigan so‘zlarga duch kelasiz. Agar biror so‘z sizga notanish bo‘lsa, uning taʼrifini lug‘atdan izlash shart emas. Baʼzan atamaning maʼnosini uning mazmuniga qarab tushunish mumkin. O‘qish nafaqat so‘z boyligini oshirishga yordam beradi, balki umumiy savodxonlikni ham oshiradi.
Kitob o‘qish odamlar bilan aloqa o‘rnatishga yordam beradi.O‘qish nafaqat savodxonligingizni, balki nutq qobiliyatingizni ham oshiradi. Bir nechta klassik asarlarni o‘qiganingizdan so‘ng, hikoya qilish qobiliyatingiz ortadi. Siz umuman o‘qimaydigan odamlarda katta taassurot qoldiradigan yana-da qiziqarli suhbatdoshga aylanasiz.
O‘qish ishonchni oshiradi. Suhbatda biz yuqori bilim va maʼlum bir mavzu bo‘yicha chuqur bilimni namoyish qilsak, biz beixtiyor o‘zimizni yana-da ishonchli va jamlangan holda tutamiz. Va sizning bilimingizni boshqalar tomonidan tan olinishi o‘z-o‘zini hurmat qilishiga ijobiy taʼsir qiladi.
Eng muhim maslahat: O‘qiyotganda, diqqatni begona narsalar bilan chalg‘itmasdan, asar mazmuniga qaratish kerak. Bu mahorat har qanday boshqa faoliyatda juda foydali. Shuningdek, kitob o‘qish xolislik va ongli qaror qabul qilish qobiliyatini rivojlantiradi.
O‘qish uchun quyidagi kitoblar tavsiya etiladi:
Yu. Xos Hojib – “Qutadg‘u bilig”
A.Navoiy – “Xamsa”
A.Qodiriy – “O‘tkan kunlar”, “Mehrobdan chayon”
G‘.G‘ulom – “Shum bola” va sheʼrlar
A.Qahhor – “Muhabbat”
P.Qodirov – “Yulduzli tunlar”
R. Parfi – “Tavba” sheʼriy to‘plamlar
M.Yusuf – Sheʼriy to‘plamlar
Sh. Xolmirzayev– “Qora kamar”, “Ziyofat”
V. Korsari – “Mangu iztirob” (tarjimon – M.Omon)
va boshqa mualliflar